პარლამენტის წევრებისა და აპარატის თანამშრომლებისთვის, დღეს, რეპროდუქციული ჯანმრთელობისა და უფლებების შესახებ  ერთდღიანი სემინარი გაიმართება.

ამის შესახებ “ინტერნეტ.ჯი”-ს პარლამენტის პრესამსახურიდან აცნობეს.

მათი ინფორმაციით, ღონისძიება ათასწლეულის განვითარების მიზნების საპარლამენტო ჯგუფის, გაეროს მოსახლეობის ფონდისა (UNFPA) და პარლამენტის ჯანმრთელობის დაცვისა და სოციალურ საკითხთა კომიტეტის ორგანიზებით ტარდება.

შეხვედრაზე ზოგადად განიხილება - რეპროდუქციული ჯანმრთელობისა და უფლებების საკითხები, მისი მნიშვნელობა გლობალური მდგრადი განვითარების კონტექსტში, საერთაშორისო ვალდებულებები და საქართველოს საკანონმდებლო ბაზა,  პარლამენტის როლი მოსახლეობის რეპროდუქციული ჯანმრთელობის გაუმჯობესებისათვის და  მიმოიხილება რეპროდუქციული ჯანმრთელობის ძირითადი ტენდენციები საქართველოში ჩატარებული კვლევების საფუძველზე.

სემინარს გაუძღვებიან გამოცდილი ექსპერტ-ტრენერები არასამთავრობო ორგანიზაციიდან - „თანადგომა“, ასევე შეხვედრას დაესწრება საქართველოს პირველი ლედი - სანდრა ელისაბედ რულოვსი, რომელიც ყურადღებას რეპროდუქციული ჯანმრთელობის სფეროში არსებულ პრიოირტეტებზე გაამახვილებს.

Internet.ge