საქართველოს პრეზიდენტის, მიხეილ სააკაშვილის განცხადებით, ბაგრატის ტაძარს UNESCO- ს კულტურული მემკვიდრეობის სიიდან აღარ ამოიღებენ.

ამის შესახებ განცხადება, პრეზიდენტმა თურქეთში ყოფნისას გააკეთა.

ქვეყნის პირველი პირის თქმით, ძალიან მნიშვნელოვანია, რომ ბაგრატის ტაძარი აღდგეს.

„ბაგრატის ტაძრის  UNESCO-ს სიიდან ამოღების საფრთხე დღის წესრიგიდან მოიხსნა. ამ საკითხმა  ვნებათაღელვა გამოიწივა, თუმცა ჩვენთვის ძალიან მნიშვნელოვანია, რომ ტაძარი აღდგეს. ეს ტაძარი არის გაერთიანებული საქართველოს სიმბოლო და იქ აუცილებლად შესაძლებელი უნდა იყოს წირვა-ლოცვა. მის აღსადგენად ჩვენ ვიქირავეთ მსოფლიოში ყველაზე ცნობილი რესტავრატორი, მან მოამზადა პროექტი. ჩვენ ამ ყველაფერს მივიყვანთ ბოლომდე და ყველა შენიშვნას გავითვალისწინებთ, რომელიც საპატრიარქოს ექნება“,- განაცხადა სააკაშვილმა.

internet.ge