საბერძნეთის პარლამენტმა ნდობა გამოუცხადა ახალ კოალიციურ კაბინეტს, რომელშიც პრემიერ სამარასის მემარჯვენე-ცენტრისტული პარტია „ახალი დემოკრატია“, მემარცხენე-ცენრისტული მოძრაობა „პასოკი“ და მემარცხენეთა პარტია „დიმარი“ შევიდნენ.

300 ადგილიან პარლამენტში მათ მხარი 179 დეპუტატმა დაუჭირა, რომლებიც სწორედ კოალიციურ მთავრობაში შემავალი პარტიების წარმომადგენლები იყვნენ.  დანარჩენებმა კანონმდებლებმა კი ახალი კაბინეტის წინააღმდეგ მისცეს ხმა. 

კენჭისყრამდე პრემიერ-მინისტრმა თავისი კაბინეტის სამოქმედო პროგრამა წარადგინა. ანტონის სამარასმა პირობა დადო, რომ მოლაპარაკებებს გამართავს საერთაშორისო კრედიტორებთან, რათა ფინანსური დახმარების პირობების შემსუბუქებას მიაღწიოს. უფრო კონკრეტულად, მისი კაბინეტი შეეცდება, ქვეყნის ფინანსური გამოჯანმრთელების ვადა 2016 წლამდე გადასწიოს.

internet.ge