უკრაინაში, ყირიმის ნახევარკუნძულზე მცხოვრები მოსახლეობის 60 პრცენტს ან რუსეთთან მიერთება, ანდა დამოუკიდებლობა სურს. ამის შესახებ სოციოლოგმა ევგენი კოპატკომ მრგვალი მაგიდის სხდომაზე განაცხადა.

სხდომა, რომელზეც მთავარ მომხსენებლად ყირიმის პრემიერ-მინისტრი ანატოლი მოგილევი გამოდის, დახურულ კარს მიღმა ტარდება, თუმცა ინფორმაცია პოლიტოლოგმა ვლადიმერ კორნილოვმა სოციალური ქსელის საშუალებით გააჟღერა.

„კოპატკომ საინტერესო ციფრები მოიყვანა. პირველ რიგში, რად წარმოუდგენიათ თავი ყირიმელებს? 48,4%-ს ყირიმელად, 22,5%-ს უკრაინის მოქალაქედ. 32,4 %-ს რუსეთთან შეერთება სურს, 19, 5% რუსეთ-ბელორუსის კავშირში გაერთიანება, 11%-ს კი ყირიმის დამოუკიდებლობა სურს. მხოლოდ 4 % ემხრობა ყირიმის უკრაინის ოლქად გარდაქმნას,“ - წერს პოლიტოლოგი.