კისლოვოდსკში სისხლიანი
გარჩევისას მოკლულ ახალგაზრდებს დღეს დაკრძალავენ. ცნობილი ხდება, რომ კაზაკების ფორმაში
ჩაცმული თავდამსხმელების წინააღმდეგ კიდევ ერთი მუხლით აღიძრა საქმე. სამართალდამცველების
ინფორმაციით, ერთ-ერთი თავდამსხმელი პოლიციას იარაღით დაემუქრა და ავტომობილი დააჯახა.
შეგახსენებთ, კისლოვოდსკში
სისხლიანი გარჩევის დროს 19 წლის ქართველი და 23 წლის სომეხი ახალგაზრდები მოკლეს.
რუსული მედიის ცნობით, ინციდენტი ერთ-ერთი კაფის წინ მოხდა. ახალგაზრდა სომეხ და ყარაჩაელ მეგობრებს ესაუბრებოდა, როდესაც მათ კაზაკების ჯგუფი დაესხა თავს.
ინციდენტის დროს, სომეხი ახალგაზრდა ცეცხლსასროლი იარაღით მოკლეს, 19 წლის ქართველს კი ყელი გამოჭრეს. ორივე მათგანი შემთხვევის ადგილზე დაიღუპა.
წინასწარი ინფორმაციით, მკვლელობა ურთიერთშელაპარაკების ნიადაგზე მოხდა. სამართალდამცველებმა, ინციდენტში მონაწილე რამდენიმე პიროვნება უკვე დააკავეს.
internet.ge
