პარლამენტის თავმჯდომარე დღეს, ხონის რაიონში იმყოფებოდა. დავით ბაქრაძე ადგილობრივ მოსახლეობას შეხვდა და ავეჯის საწარმო დაათვალიერა.

ბაქრაძის განცხადებით, ხონში გზების სარეაბილიტაციო სამუშაოები 2 კვირაში დაიწყება.

„ჩვენი ამოცანაა, არ დარჩეს სოფელი სადაც არ იმუშავებს ერთი საწარმო მაინც, რომელიც დაასაქმებს ადგილობრივებს“,- განაცხადა ბაქრაძემ.

პარლამენტის თავმჯდომარე რეგიონებში მოსახლეობასთან შეხვედრებს მართავს და ადგილობრივების პრობლემებს პირადად ეცნობა.

Internet.ge