ცხინვალის რეგიონში იარაღის სამალავი აღმოაჩინეს. ზნაურის რაიონის სოფელ მუგუთში რუსეთის „ფსბ“-ს სასაზღვრო დანაყოფმა, ბოსელის ნანგრევებში, დიდი რაოდენობით საბრძოლო მასალას მიაკვლია, - იუწყება სააგენტო „რეს“.

კერძოდ, ნაპოვნია 5,45 მილიმეტრიანი ვაზნები - 142 ცალი, ფ-1 ტიპის ხელყუმბარა 3 ცალი, ხელყუმბარის დეტონატორების 3 ცალი და ერთი 82-მილიმეტრიანი ნაღმი.

ე.წ. საგანგებო სიტუაციების სამინისტროში განაცხადეს, რომ საბრძოლო მასალა უსაფრთხო ადგილზე უკვე გაანადგურეს.

Internet.ge