სირიის თავისუფალმა არმიამ დღეს დილით დაადასტურა რუსი გენერლის მკვლელობის შესახებ გავრცელებული ინფორმაცია.

ვლადიმერ კოჯაევი სირიის თავდაცვის მინისტრისა და სამხედრო საქმეთა გენერალური შტაბის კონსულტანტი იყო. მოკლულია, ასევე, მისი თარჯიმანი ახმედ აიკი - იუწყება „ალ არაბია ნიუსი“.

პარალელურად, ასადის გარემოცვა იშლება. ბოლო ცნობებით, მას შემდეგ, რაც ქვეყნის პრემიერ-მინისტრი რიად ხიჯაბი და მთავრობის პრეს-მდივანი მუჰამედ იტრი  ოპოზიციის მხარეს გადავიდნენ, ასადმა კიდევ ორი მნიშვნელოვანი კადრი დაკარგა.

მოწინააღმდეგე ბანაკს შეუერთდნენ ალეპოსა და ტარტუსის პოლიციის უფროსები. ალეპოს პოლიციის საავადმყოფოს მთავარმა ექიმმაც განაცხადა, რომ ტოვებს თანამდებობას.

internet.ge