აფხაზეთის მარიონეტული რეჟიმის
ლიდერმა ე.წ. საგარეო უწყებას აფხაზეთში მომუშავე საერთაშორისო ორგანიზაციების გაკონტროლება
მოსთხოვა.
დაახლოებით 12-მდე ორგანიზაცია
ოკუპირებულ რეგიონში 1994 წლიდან მუშაობს და ჰუმანიტარულ საქმიანობას ეწევა. ანქვაბს
მოახსენეს, რომ ისინი სხვადასხვა პროექტებისთვის მიზერულ თანხას იყენებენ, რომელიც
წელიწადში 14 მილიონ დოლარს არ აღემატება და მალე ამ თანხის შემცირებასაც აპირებენ.
ე.წ. პრემიერ-მინისტრმა ლეონიდ
ლაკერბაიამ განაცხადა, რომ უკეთესი იქნებოდა, თუ საერთაშორისო ორგანიზაციები ერთ კონკრეტულ
რაიონზე მოახდენენ კონცენტრირებას, მაგალითად გალის რაიონზე და იქ განახორციელებენ
პროექტებს.
ანქვაბმა თათბირის მონაწილეებს ამ ორგანიზაციების საქმიანობის გაკონტროლება მოსთხოვა
და განაცხადა, რომ მათი მუშაობა ადგილობრივი სტრუქტურების ზედამხედველობის ქვეშ უნდა
ხორციელდებოდეს.
Internet.ge
