ენგურის  ხიდი კვლავ ჩაკეტილია. როგორც „ინტერნეტ.ჯი“–ს ოკუპირებული აფხაზეთიდან აცნობეს, კონტროლი გამკაცრებულია ასევე ენგურის ხიდთან მდებარე ე.წ საბაჟოსთან, რომელსაც აფხაზი და რუსი მესაზღვრეები ერთობლივად აკონტროლებენ.

ადგილობრივ მცხოვრებლებს, შემოვლითი გზებით უწევთ საქართველოს კონტროლირებად ტერიტორიაზე გადმოსვლა.

ამასთან, როგორც წყარო ამბობს, საზღვართან რუსებმა და აფხაზებმა ე.წ გამშვები პუნქტი განაახლეს. შენობაში წინასწარი დაკავების იზოლატორი განთავსდა და „კანონის დამრღვევები“ სწორედ ამ შენობაში მიჰყავთ.

დევნილების თქმით, საპყრობილედან თავის დაღწევა მხოლოდ ფულის გადახდის შემდეგაა შესაძლებელი. ფასები 200 ლარიდან 1000 ლარამდე მერყეობს.

internet.ge