აშშ არ სცნობს საქართველოს ოკუპირებულო ტერიტორიებზე ჩატარებლ ე.წ. არჩევნებს. „ვაშინგტონი არ აღიარებს აფხაზეთსა და სამხრეთ ოსეთში გამართული არჩევნების ლეგიტიმურობას" - აცხადებს შეერთებული შტატების საელჩო საქართველოში.
„საქართველოს მოსახლეობის დიდ ნაწილს, რომელიც გამოძევებულია საკუთარი სახლებიდან აფხაზეთიდან და სამხრეთ ოსეთიდან, არ ჰქონდა შესაძლებლობა, მონაწილეობა მიეღო არჩევნებში და არც იმისა, რომ დაბრუნებულიყო თავის სახლებში" - აცხადებს საელჩო.
24 მარტით დათარიღებულ განცხადებაში ხაზგასმულია, რომ აშშ მხარს უჭერს საქართველოს სუვერენიტეტსა და ტერიტორიულ მთლიანობას მის საერთაშორისოდ აღიარებულ საზღვრებში.
„ჩვენ კვლავ მოვუწოდებთ რუსეთს, შეასრულოს ვალდებულებები, რომლებიც მან 2008 წლის ცეცხლის შეწყვეტის შეთანხმების შესაბამისად იკისრა, ასევე გაიყვანოს თავისი ჯარები კონფლიქტამდელ პოზიციებზე და უზრუნველყოს აფხაზეთსა და სამხრეთ ოსეთში ჰუმანიტარული დახმარების შეშვება" - ნათქვამია განცხადებაში.
internet.ge
