რუსეთმა და აფხაზეთმა ხელი მოაწერეს შეთანხმებას კავშირისა და საინფორმაციო ტექნოლოგიების სფეროში თანამშრომლობის შესახებ. შეთანხმება 4 წლის ვადით განისაზღვრება. ის გაგრძელებაა 2009 წელს უკვე ხელმოწერილი მემორანდუმებისა, - იუწყება „აბხაზია ორგ“.

„იმ პირობებში, როცა აფხაზეთი არცთუ დიდი რაოდენობის სახელმწიფოების მიერაა აღიარებული, ხელმოწერილი შეთანმხმების წყალობით, რესპუბლიკის მოქალაქეებს საშუალება ექნებათ, სრულფასოვანი წვდომა მიიღონ კავშირის მომსახურებასა და საინფორმაციო ტექნოლოგიებზე  - განუცხადა „რია ნოვოსტის“ რუსეთის  კავშირგაბმულობის სამინისტროს წარმომადგენელმა. მისი თქმით, ანალოგიურ შეთანხმებას ხელი მოეწერა ე.წ. სამხრეთ ოსეთთანაც. მათი მოქმედების ვადა ყოველ 4 წელიწადში ავტომატურად გაგრძელდება.

Internet.ge