ცხინვალის რეგიონის ე.წ. უმაღლესმა სასამართლომ ე.წ. პარლამენტის სპიკერის პოსტზე სტანისლავ კოჩიევი აღადგინა. მას კოლეგებმა უნდობლობა ედუარდ კოკოითის რეჟიმის დროს, კოკოითის სურვილის თანახმად გამოუცხადეს.

ამ დრომდე მის მოვალეობას ედუარდ კოკოითის პარტიის „ედინსტვოს“ წევრი ზურაბ კოკოევი ასრულებდა, რომელიც აღნიშნულ პოსტზე დარჩენას ცდილობდა. 

კოჩიევს ამ გადაწყვეტილების გასაპროტესტებლად სარჩელი სასამართლოში ჰქონდა შეტანილი. დღეს კი, მისი სარჩელი დაკმაყოფილდა. ის პოსტზე აღადგინეს, 2011 წლის 5 ოქტომბერს მიღებული ე.წ. პარლამენტის დადგენილება კოჩიევის ე.წ. სპიკერის პოსტიდან გათავისუფლების შესახებ კი უმოქმედოდ ცნეს.

სტანისლავ კოჩიევი ცხინვალის კომუნისტური პარტიის ლიდერია. ის ლეონიდ თიბილოვთან ერთად, ე.წ. საპრეზიდენტო არჩევნებში იყრიდა კენჭს.

Internet.ge