ე.წ. სამხრეთ ოსეთის რეჟიმმა ახალგორის რაიონში შესასვლელ პუნქტებზე, როგორც თავად უწოდებენ, „საზღვრის გადაკვეთის პროცედურა“ გაამარტივა.

გაუქმებულია ადრე არსებული ფორმალური ბარიერები ე.წ. ფორმა №9-ის მისაღებადაც. ეს არის ცნობა, რომელიც რაიონის მცხოვრებს, რომელიც საქართველოს მოქალაქეობას ინარჩუნებს, „სამხრეთ ოსეთის პასპორტის“ ნაცვლად ეძლევა.

როგორც სეპარატისტული რეჟიმის მიერ რაიონის ახლადდანიშნულმა ხელმძღვანელმა ჯემალ ჯიგკაევმა „ეხო კავკაზას“ განუცხადა, ფორმა №9-ის მისაღებად რაიონის ტერიტორიაზე ჩაწერა აღარ იქნება აუცილებელი, ხოლო ვისაც ეს საბუთი იქნება, ადგილობრივ შეღავათებს მიიღებს.

Internet.ge