აფხაზეთის სეპარატისტული რეჟიმის ლიდერი ალექსანდრე ანქვაბი, გალის რაიონში არსებული სიტუაციით დაინტერესდა.
ანქვაბი გალიდან არჩეულ ე.წ. დეპუტატებს: ახრა კვეკვესკირსა და ბეჟან უბირიას შეხვდა.
მან შეხვედრაზე განაცხადა, რომ ქართველებით დასახლებულ რაიონში რამდენიმე წელიწადში ‘’სულ სხვაგვარი სიტუაცია" იქნება.
რას გულისხმობდა "სხვაგვარ სიტუაციაში" ანქვაბს არ დაუკონკრეტებია.
როგორც აფხაზური გაზეთები იუწყებიან, ანქვაბი გალის რაიონში მიმდინარე პროექტების რეალიზების საკითხით დაინტერესდა, კერძოდ, სკოლებისა და გზების კაპიტალური რემონტის მიმდინარეობით.
‘’გალში სიტუაცია რამდენიმე წლის შემდეგ სულ სხვაგვარი იქნება და ამისთვის საფუძველი დღესვე უნდა ჩავყაროთ" - განაცხადა მან.
internet.ge
