სასაზღვრო-გამშვებ პუნქტ „ადლერზე“ ტურისტული ავტობუსების მიმოსვლისათვის ცალკე ხაზი ამოქმედდა, რომელიც აფხაზეთში ჩამსვლელთათვის (და პირქით) მოძრაობას გაამარტივებს.

ამ მონაკვეთზე ტრანზიტის გაუმჯობესების თაობაზე ვლადიმერ პუტინმა და ალექსანდრე ანქვაბმა პირისპირ შეხვედრისას ისაუბრეს, როცა „ადლერის“ პუნქტი დაათვალიერეს.

მანამდე კი ყუბანის გუბერნატორი და რუსეთის პრეზიდენტის ე.წ. სპეცწარმომადგენელი აფხაზეთში - ალექსანდრე ტკაჩოვი, „ადლერზე“ შექმნილი სიტუაციით აღშფოთდა და მისი მუშაობის გაუმჯობესება მოითხოვა.

როგორც „აპსნიპრესი“ იუწყება, დღესდღეობით, სასაზღვრო პუნქტ „ადლერის“ ახალ ხაზზე ყოველდღიურად 30 ტურისტული ავტობუსი გაივლის, დასვენების დღეებში კი ეს რაოდენობა ორმაგდება.

internet.ge