რუსეთის „ფსბ“-ს სასაზღვრო სამსახურმა აფხაზეთის „ფსბ“-სთან ერთად ოკუპირებულ აფხაზეთში „რუსეთის დღე“ სპორტული ღონისძიებით აღნიშნა.

შეჯიბრი არმრესტლინგში, ესტაფეტაში, მაგიდის ჩოგბურთში და პისტოლეტიდან სროლაში რესპუბლიკურ სტადიონზე ჩატარდა. მასში რუსი მესაზღვრეების ოჯახის წევრები მონაწილეობდნენ. გამარჯვებულებს აფხაზეთში რუსეთის „ფსბ“-ს პრიზი - დიპლომები და თასი ერგოთ წილად. 

„აპსნიპრესის“ ცნობით, რუსი მესაზღვრეები სოხუმში უკვე მესამე წელია, რაც „რუსეთის დღეს“ აღნიშნავენ.