ჩეჩნეთის ლიდერის რამზან კადიროვის თქმით „ჩეჩენი სეპარატისტების ყოფილი ემისარი“ ახმედ ზაკაევი სამშობლოში დაბრუნების უფლებას ითხოვს. ამის შესახებ „რუსეთის ახალი ამბების სამსახური“ იუწყება.

კადიროვის თქმით, ზაკაევი მას ამ საკითხზე არაერთხელ დაუკავშირდა ტელეფონით.

კადიროვის პრეს-მდივნის ალვი კარიმოვის განცხადებით „ზაკაევმა ითხოვა საუბარში, რომ მას დაეხმარონ, რათა დაბრუნდეს და იცხოვროს ჩეჩნეთის რესპუბლიკაში. ის ამბობდა, რომ კადიროვი ყველაზე ეფექტური და წარმატებული ხელმძღვანელია და რომ აღფრთოვანებულია გარდაქმნებით. თუმცა როცა ზაკაევი მზად იყო დაბრუნებულიყო, მოხდა რაღაც ცვლილებები, მასზე ზემოქმედება მოახდინეს რაღაც სამსახურებმა ქვეყანაში,“ - განაცხადა კარიმოვმა.

Internet.ge