აფხაზი ექსპერტი ინალ ხაშიგი რადიო „ეხო კავკაზა“-ში სოხუმში რუსეთის უშიშროების საბჭოს მდივნის მოადგილის რაშიდ ნურგალიევის ვიზიტის არაოფიციალურ მხარეზე საუბრობს.

ოფიციალურად ითქვა, რომ ნურგალიევის აფხაზეთში ვიზიტი სოციალურ-ეკონომიკური მიმართულებისაა, თუმცა ინალ ხაშიგი დარწმუნებულია, რომ მისი გალის რაიონში ჩასვლა და რუსი მესაზღვრეების მონახულება არა სოციალურ-ეკონომიკურ, არამედ უფრო უსაფრთხოების თემას უკავშირდებოდა.

„ვფიქრობ ნურგალიევის ვიზიტი, ასე თუ ისე, დაკავშირებულია მომავალ ოლიმპიადასთან და აფხაზეთის უსაფრთხოების საკითხი, როგორ მოხდება საზღვრის დაცვა - ეს ყველაფერი მას ძალიან აინტერესებდა, რადგან ჯერ კიდევ რამდენიმე წლის წინ, როცა საუბრობდნენ, რომ რუსეთში ოლიმპიადის ჩატარება შეუძლებელი იყო, ბევრი ექპერტი აქცენტს იმ საფრთხეებზე აკეთებდა, რასაც მოიცავს გადაუჭრელი ქართულ-აფხაზური კონფლიქტი. ახლა, უსაფრთხოების საკითხი ის არის, რაზეც რაშიდ ნურგალიევმა თავისი ყურადღების აქცენტირება მოახდინა“ - განაცხადა ინალ ხაშიგმა.