“სასწრაფო დახმარების მანქანა, რომელსაც აფხაზეთიდან რუსი დამსვენებელი ბავშვი გადაჰყავდა, საზღვარზე რიგის გამო არ შეყოვნებულა. ბიჭუნა საავადმყოფოში გულის მწვავე უკმარისობის გამო დაიღუპა,“ - განაცხადა ადამიანის უფლებათა საკითხებში რუსეთის პრეზიდენტის  ნდობით აღჭურვილი პაველ ასტახოვმის პრესსამსახურმა.

მანამდე გავრცელდა ინფორმაცია, რომ ადამიანის უფლებათა საკითხებში მოსკოვის ოლქის წარმომადგენელს ვალერია ანდრეევას არაერთხელ დაურეკეს რუსეთის მოქალაქეების ნათესავებმა, რომლებიც, ამბობდნენ, რომ  რიგის გამო, საათობით იდგნენ რუსეთ-აფხაზეთის ე.წ. საზღვარზე და აცხადებდნენ, რომ იქ გავლას ვერ ახერხებდა ვერც სასწრაფო დახმარების მანქანა, რაც, შემდგომ, ბავშვის დაღუპვის მიზეზად დასახელდა.

„13 წლის ბიჭუნა პენზის ოლქიდან გულის უკმარისობის შედეგად დაიღუპა. ბავშვი ცუდად გახდა გაგრაში. მშობლებმა გამოიძახეს სასწრაფო, რომელმაც ბავშვი რუსეთის საზღვრამდე მიიყვანა. საზღვარზე ბავშვი სოჭის სასწრაფოს გადააბარეს. სოჭის საავადმყოფოში 7:05 საათზე ბავშვი მძიმე მდგომარეობაში მიიყვანეს. 7:35 საათზე ის გარდაიცვალა,“ - ასეთია ასტახოვის განცხადება.

თავად აფხაზეთის ე.წ. უშიშროების სამსახურის სასაზღვრო განყოფილებაშიც უარყოფენ, რომ ბავშვი საზღვარზე რიგის გამო დაიღუპა.

Internet.ge