იმ ქვეყნების მოქალაქეებს, სადაც რუსული ენა ერთ-ერთ სახელმწიფო ენადაა გამოცხადებული, ამიერიდან, უფრო მარტივად შეეძლებათ რუსეთის მოქალაქეობის მიღება.

ამის შესახებ კრასნოდარის მხარის მიგრაციის ფედერალური სამსახურის ნოვოროსიისკის განყოფილება იუწყება და აცხადებს, რომ აღნიშნული დასკვნა პრემიერ-მინისტრ დიმიტრი მედვედევის განკარგულებიდან გამოიტანეს, რომელიც რუსეთის მოქალაქეობის მინიჭების წესში ცვლილებებს შეეხება.

კრასნოდარის მხარის მიგრაციის ფედერალური სამსახურის ნოვოროსიისკის განყოფილება აცხადებს, რომ 1 ივნისის მოდგომარეობით, ანუ განკარგულების ძალაში შესვლის დღიდან, „სახელმწიფოებს, სადაც რუსულ ენას სახელმწიფო ენის სტატუსი აქვს, მიეკუთვნებიან ბელორუსი და სამხრეთ ოსეთის რესპუბლიკა“.

Internet.ge