ბლოკი „ბიძინა ივანიშვილი-ქართული ოცნება“ მწუხარებას გამოთქვამს საქართველო-რუსეთის საზღვრის დაღესტნის მონაკვეთთან მიმდინარე ანტიტერორისტული ოპერაციის დროს შინაგან საქმეთა სამინისტროს თანამშრომლების სოლომონ წიკლაურისა და არჩილ ჩოხელის და თავდაცვის სამინისტროს სამხედრო ექიმის, კაპრალ ვლადიმერ ხვედელიძის დაღუპვის გამო, უსამძიმრებს მათ ოჯახებს და მთელ საქართველოს.

აღნიშნულთან დაკავშირებით ოფიციალური განცხადება, ბიძინა ივანიშვილის სოციალურ ქსელ facebook-ის გვერდზე გავრცელდა.

ბლოკი „ბიძინა ივანიშვილი-ქართული ოცნება“ იმედს გამოთქვამს, რომ სპეცოპერაციის დროს დაშავებულ ჯარისკაცთა სიცოცხლეს საფრთხე არ ემუქრება და ისინი მალე ჩადგებიან სახელმწიფოს სამსახურში.

 internet.ge