„ერთიანი ნაციონალური მოძრაობა“ საქართველოს ცენტრალურ საარჩევნო კომისიაში პარტიულ სიებს დღეს შეიტანს. ცნობილია, რომ მმართველი გუნდი ცესკოს მაჟორიტარი დეპუტატობის კანდიდატების ჩამონათვალსაც გადასცემს.

ცნობისთვის, პოლიტიკურ პარტიებს სიების წარდგენა დღეს, 18:00 საათამდე შეუძლიათ.

ცესკოს ინფორმაციით, ამ დროისათვის სიები უკვე წარადგინეს შემდეგმა პოლიტიკურმა გაერთიანებებმა: „ქართული ოცნება“, „ახალი მემარჯვენეები“, „ქართული დასი“, „სამართლიანი საქართელოსთვის“, „მომავალი საქართველო“, „თავისუფლება ზვიად გამსახურდიას გზა“ , „ჩვენი ქვეყანა“ და „მერაბ კოსტავას საზოგადოება“.

კომისიას კი, სიების განხილვისა და რეგისტრაციაში გასატარებლად დრო 6 სექტემბრამდე აქვს, რის შემდეგაც პარტიული სიები საჯარო გახდება.

Internet.ge