ქალაქ თბილისის მერია კოალიცია „ქართულ ოცნებას“ 29 სექტემბერს, თავისუფლების მოედანზე მანიფესტაციის გამართვის ნებართვას აძლევს.

აღნიშნულთან დაკავშირებით განცხადება, მერიის პრესსპიკერმა ბაჩო დოლიძემ გააკეთა.

დოლიძის ინფორმაციით, მერიაში 2012 წლის 23 სექტემბერს თავისუფლების მოედანზე ბერა ივანიშვილის სოლო კონცერტის გამართვის მოთხოვნით განცხადება შევიდა, რაზეც მერიამ სანქცია არ გასცა. დოლიძე აცხადებს, რომ ეს გადაწყვეტილება თბილისში მიმდინარე სარეაბილიტაციო სამუშაოებს უკავშირდებოდა.

„რაც შეეხება კოალიცია „ქართული ოცნების“ მოთხოვნას, რომელიც მანიფესტაციის ჩატარებას გულისხმობს, მერიამ შესაბამისი სანქცია გასცა, თუმცა ბერა ივანიშვილს 23 სექტემბერს დაგეგმილ კონცერტის გამართვაზე უარი ეთქვა. ქართულ ოცნებას შეუძლია კონცერტის ჩასატარელად  გამოიყენოს ნებისმიერი ადგილი, რითიც ტრანსპორტის მოძრაობა არ შეიზღუდება, მაგალითად ვაკის პარკი“,- განაცხადა დოლიძემ.

internet.ge