„ეროვნულ-დემოკრატიული პარტიის“ წევრი გურამ ჩახვაძე წინასაარჩევნოდ შექმნილი რადიკალიზმის ფონზე, ქეთრინ ეშტონისა და შტეფან ფულეს მხრიდან გაკეთებულ განცხადებას მნიშვნელოვანს უწოდებს.

როგორც ჟურნალისტებს ჩახვაძემ განუცხადა, ქვეყანაში რადიკალური გარემო ორმა მხარემ - მმართველმა პარტიამ და “ქართულმა ოცნებამ“ შექმნეს.

მისი შეფასებით, რასაც დასავლეთიდან აღნიშნავენ ისაა, რომ ეს ორი პოლიტიკური ძალა დაკავებულია არა ერთმანეთთან პოლიტიკური ხედვებითა და პროგრამების ოპონირებით, არამედ ქვისა და ტალახის სროლით.

„ჩემი აზრით, ერთის მხრივ, არსებობს „ნაციონალური მოძრაობა”, რომელიც ადმინისტრაციულ რესურსს უხეშად იყენებს, კანონს არღვევს და შერჩევითი სამართლის პრინციპით მოქმედებს და მეორეს მხრივ, არსებობს „ქართული ოცნება“, რომელმაც პოლიტიკური სივრცის კომერციალიზაცია მოახდინა“, –  განაცხადა ჩახვაძემ.

internet.ge