საქართველოს საგარეო საქმეთა მინისტრის გრიგოლ ვაშაძის განცხადებით, რუსეთის ფედერაციამ უნდა ისწავლოს, რომ ხელშეკრულებები უნდა შესრულდეს, ამ დროისათვის კი, მათ ეს არ ესმით.

ამის შესახებ ვაშაძემ, რუსეთის საგარეო საქმეთა სამინისტროს მიერ ღია ცის ხელშეკრულებასთან დაკავშირებით გაკეთებული განცხადების საპასუხოდ განაცხადა.

მინისტრის თქმით, ხელშეკრულება ითვალისწინებს, რომ ერთი სუვერენული ქვეყნის ინსპექციის დროს მეორე სუვერენულ ქვეყანაში არ შეიძლება, რომ მესამე სუვერენული ქვეყნის საზღვრებს მიუახლოვდე, რაც სრული სისულელეა, ამიტომ საქართველომ რუსეთის მიმართ, თავისი ვალდებულებები შეაჯერა.  

Internet.ge