გორში “ერთიანი ნაციონალური მოძრაობის” წინასაარჩევნო ყრილობა მიმდინარეობს. ყრილობაზე სიტყვით საქართველოს პრეზიდენტი მიხეილ სააკაშვილი გამოვიდა.
ქვეყნის პირველი პირის განცხადებით, გორში ყველაზე მამაცი ხალხი ცხოვრობს და ეს მტერმაც კარგად იცოდა, როდესაც მისი დაპყრობა სცადა.
სააკაშვილის თქმით, “ნაციონალური მოძრაობა” თავისი დაპირებების მსახური და ერთგულია.
“ჩემი ამბიციაა, რომ გორი ვასწავლო და ვაჩვენო მთელს მსოფლიოს, როგორც სიმბოლო ფერფლიდან აღმდგარი ფენიქსისა, როგორც სიმბოლო ახალი საქართველოსი. ჩვენ შვილებს უფრო მაგარი ქვეყანა და ქალაქები უნდა გადავცეთ და ამისათვის ყველაფერი უნდა გავაკეთოთ. წინ ბევრი გამოწევაა, მაგრამ ჩვენი გამარჯვება იქნება ის, რომ ისეთი ქვეყანა ავაშენოთ, რომლის დამარცხებასაც ვერავინ შეძლებს”,- განაცხდა სააკაშვილმა.
Internet.ge
