საქართველოს პრეზიდენტის, მიხეილ სააკაშვილის განცხადებით, დამყრობელმა, ვერცერთი სტარტეგიული მიზანი ვერ განახორციელა, პირველი ოქტომბერი კი, იქნება რეფერენდუმი იმაზე, გვინდა თუ არა ვიყოთ თავისუფალი ქვეყანა.

ამის შესახებ განცხადება სააკაშვილმა ხარაგაულში, სიტყვით გამოსვლისას გააკეთა.

პრეზიდენტის თქმით, ხელისუფლებისთვის დაპირებები ძალიან მნიშვნელოვანია და ისინი მათი წინადადებების ბოლომდე ერთგულები დარჩებიან.

“ჩემთვის დაპირებები ყველაზე ძვირფასია, რადგან სიტყვა ძალიან მაგარი რაღაცაა. სანამ მას წარმოსთქვავ შენი მონაა, პირიდან რომ გამოუშვებ დაპირებას, შენ ხდები სიტყვის და დაპირების მონა. მე მონობა არ მიყვარს, მაგრამ ჩვენ ჩვენი დაპირებების ერთგული ვიქნებით ბოლომდე. პირველი ოქტომბერი ჩვეულებრივი არჩევნები კი არ არის, ეს არის ბოლო გაფართხალება იმ ხალხისა, ვისაც უნდა საქართველო უკან დააბრუნოს წარსულში და წყვდიადში. ეს არის რეფერენდუმი იმაზე, გვინდა თუ არა ვიყოთ თავისუფალი ქვეყანა”,- განაცხადა სააკაშვილმა.

internet.ge