საქართველოს პრეზიდენტის მიხეილ სააკაშვილის განცხადებით, ქვეყანაში უნდა გაგრძელდეს შენება და განვითარება, რადგან გაჩერების დრო არ არის.

როგორც ხარაგაულში ყოფნისას სააკაშვილმა განაცხადა, იმ ადამიანების მიმართ, ვისაც ქვეყნის აღმშენებლობა აღიზიანებთ, ხელისუფლების პასუხი არა სიძულვილი და ბოროტება, არამედ მხოლოდ და მხოლოდ აღმშენებლობა იქნება.

“თურმე ციხიდან უნდა გამოვუშვათ თამაზ თამაზაშვილი, ბანდიტი და დავიჭიროთ ყველა საქართველოს პედაგოგი. თურმე ლეკიანობა უნდა დაგვებრუნებინა და ეს რომ არ მოხდა ჩვენთვითონ ვართ დასაჭერები. ისინი ყველაფერს უკუღმა გვთავაზობენ. დეპუტატად აყრევინებენ კენჭს იმ ადამიანს, ვინც საქართველოს უჩივლა ევროპის სასამართლოში, რომ საქართველომ რუსეთის წინააღმდეგ დანაშაული ჩაიდინა. ასევე, დეპუტატად არის წარმოდგენილი ის ადამიანი, რომელმაც უარი თქვა საქართველოს დროშის ქვეშ გამოსულიყო პეკინის ოლიმპიადაზე”,- განაცხადა სააკაშვილმა.

ქვეყნის პირველი პირის თქმით, ხელისუფლების პასუხი ყველა ამ ქმედებაზე მხოლოდ აღმშენებლობა იქნება.

Internet.ge