საზღვარგარეთ მყოფი საქართველოს მოქალაქეების საარჩევნო რეგისტრაცია დასრულდა.  მონაცემები ჯერ სიების დაზუსტების კომისიას გადაეცემა, რის შემდეგაც უკვე ცესკო-ს მიეწოდება.

საქართველოს საპარლამენტო არჩევნებისთვის საზღვარგარეთ 45 საარჩევნო უბანი გაიხსნება. ირანსა და იორდანიაში კი ამომრჩეველთა სიმცირის გამო უბნები გაუქმდა. 

საკონსულო აღრიცხვაზე მყოფ ამომრჩეველთაგან მხოლოდ 42 ათას 600-ს აქვს აქტიური საარჩევნო უფლება. მათ ბოლო რეგისტრირებულთა რაოდენობაც დაემატება. 

შეგახსენებთ, რომ საზღვარგარეთ მყოფი ამომრჩევლების 2012 წლის 1 ოქტომბრის საპარლამენტო არჩევნებში მონაწილეობის ხელშეწყობის მიზნით, ცესკომ მიიღო დადგენილება, რომლის მიხედვით საქართველოს მოქალაქეებს საშუალება ჰქონდათ საარჩევნო რეგისტრაცია დამატებით 12 და 13 სექტემბერს გაეარათ.

internet.ge