საქართველოს პრეზიდენტი წყალტუბოში იმყოფება. მიხეილ სააკაშვილმა საკურორტო ზონაში მიმდინარე სარეაბილიტაციო სამუშაოები დაათვალიერა.

ქვეყნის პირველი პირი ადგილობრივ მოსახლეობას შეხვდა და მათ სიტყვით მიმართა. მისი განცხადებით, იწყება წყალტუბოს დიდი რეაბილიტაციის პროექტი, რომელიც ერთ-ერთი ყველაზე ამბიციური გეგმაა.

სააკაშვილის განცხადებით, ადრე ადგილზე ძალიან ბევრი საყოფაცხოვრებო პრობლემა იყო და ახლა ეს ყველაფერი უნდა მოგვარდეს.

„ყველანი ერთად განვდევნით წყალტუბოდან უმუშევრობას, გაჭირვებას, უიმედობას და აქაურობას და თითოეულ თქვენგანს დავუბრუნებთ მომავლს. ვიცი, როგორ უჭირს ხალხს წყალტუბოში.  არც გუშინ დავდაბულვარ და არც შუშის კასრში მიცხოვრია, ვიცი როგორი გაჭირვება და უმუშევრობაა“,- განაცხადა სააკაშვილმა.

პრეზიდენტის თქმით, დიდი მნიშვნელობა აქვს პარლამენტის ქუთაისში გადატანას და  ვინც რა არ უნდა ილაპარკოს პარლამენტი ქუთაისში დარჩება.

„ჩვენ აქ ყველაფერს გავაკეთებთ ისე, როგორც არასდროს ყოფილა.  ეს არის დასაწყისის დასაწისი. ყველა ადამიანი უნდა დავაბრუნოთ უკან ქვეყანაში. მე რეალისტი ვარ და ტყუილს არ გპირდებით, არ გეტყვით რომ 2-3 დღეში გამდიდრდებით და უმუშრვობა 1 წელში აღმოიფხვრება, მაგრამ უმუშევრობას ნამდვილად დავამარცხებთ“,- განაცხადა პრეზიდენტმა.

ქვეყნის პირველმა პირმა მოსახლეობასთან შეხვედრისას, მიმდინარე და მომავლში დაგეგემილი პროექტების შესახებ დეტალურად ისაუბრა.  

internet.ge