კვალიფიციური პოლიტიკური სუბიექტების საარჩევნო სიების პირველ ნომრებს შორის დებატები, პროექტ „დებატები - 2012“-ის ფარგლებში „საზოგადოებრივი მაუწყებლის“ ეთერში  ამ წუთებში მიმდინარეობს.

წინასწარ  განსაზღვრული რეგლამენტით დღეს დებატებში მონაწილეობას 4 სუბიექტი იღებს  „ქდმ“–ს ლიდერი გიორგი თარგამაძე, „ნაციოლალური მოძრაობის" სიის პირველი ნომერი დავით ბაქრაძე, „ლეიბოტისტული პარტიის“ ლიდერი შალვა ნათელაშვილი და კოალიცია „ქართული ოცნების“ ლიდერი კახი კალაძე პასუხობენ პირველ კითხვას, რომელიც გულისხმობს არჩევნებში მონაწილე სუბიექტების ხედვას, სოციალურ პროექტებთან დაკავშირებით. 

საპარლამენტო უმცირესობის ლიდერის, გიორგი თარგამაძის შეფასებით, საქართველოს იმის ფუფუნება არ აქვს, რომ პოლიტიკოსების ენერგია შიდა პოლიტიკურ ბატალიებში დაიხარჯოს.

„რეგიონში რთული ვითარებაა, რომელიც კიდევ უფრო მეტად მძიმდება. ჩრდილოეთით წრთვნები მიმდინარეობს, ხოლო ირანთან დაძაბულობაა. იმის ფუფუნება არ გვაქვს, რომ შიდა პოლიტიკურ ბატალიებში ჩვენი ენერგია დავხარჯოთ. საქართველოს სჭირდება მთავრობა, რომელიც ჩვენს ნდობას იმსახურებს. ეს არჩევნები  საფუძველს ჩაუყრის ახალ მთავრობას, რომელმაც უნდა მოაგვაროს პრობლემები“, - განაცხადა თარგამაძემ. "ქრისტიან-დემოკრატების" ლიდერმა ლაზიკას“ მშენებლობას ფულის ჭაობში გადახდა უწოდა. 

თარგამაძემ ამომრჩეველს მოუწოდა, რომ თავის ბიუჯეტი თვითონვე განკარგოს. ლიდერი პირობას დებს რომ ელექტროენერგია უფასო იქნება. 

დავით ბაქრაძის განცხადებით, კი მმართველი გუნდი უკან დაბრუნებას არ დაუშვებს. 

„ჩვენი მთავრი გამოწვევა უმუშევრობაა, მას ისევე დავამარცხებთ როგორც კრიმინალს. 4 წლის მანძილზე შეიქმნება   8 000 სამუშაო ადგილი.  სოფელში 500 საწარმო გაიხსნება, სადაც  გლეხი დასაქმდება. ამასთან, 18 დღის წინ მოხდა 1 მილიონი ადამიანის დაზღვევა, ამაყი ვარ რომ პენსიონერი სრულიად იღებს უფასო ჯანდაცვას“, - განაცხადა დავით ბაქრაძემ მისი თქმით, მომავალი ოთხი წლის განმავლობაში 6 მილიარდი გამოიყოფა პენსიის ზრდისთვის.

რაც შეეხება „ქართული ოცნების“ სიის პირველ ნომერს კახი კალაძეს, ის პენიდენციალურ სისტემაში მიმდინარე მოვლენებით დაინტერესდა. ლიდერმა ბაქრაძეს მოსთხოვა დამატებითი ინფორმაცია მე-8 საპრყობილეში მომხდარ ინცინდენტზე. 

"ლეიბორისტული პარტიის" ლიდერმა კი მიხეილ სააკაშვილი და ბიძინა ივანიშვილი ფულის ფლანგვაში დაადანაშაულა. 
„ივანიშვილმა 165 მილიონი პიკასოს ნამუშევარში, მახინჯი ქალის შეძენაში გადაიხადა, რაც შეიძლებოდა ელიავას მუშებს მოხმარებოდა. სააკაშვილმა 8 წლის განმავლობაში იმდენი იფრინა, რომ დახარჯული თანხით ათასობით სამუშაო ადგილის შექმნა შეიძლებოდა“,– აღნიშნა ნათელაშვილმა. 

internet.ge