საქართველოს პრეზიდენტი გურჯაანში იმყოფება, სადაც ადგილობრივებს შეხვდა და სიტყვით მიმართა.

მიხეილ სააკაშვილის განცხადებით,  ხალხს ვერანაირი გარე ძალები და პროვოკაციები ვერ დაამარცხებს, ქვეყანა წინ წავა და არ გაჩერდება.

„ჩვენმა მტერმა ღვინის ემბარგოთი ვერ დაამარცხა კახეთი. ყველანირი პროვოკაცია მოგვიწყვეს მათ შორის შეიარაღებული, მაგრამ მიზანს ვერ მიაღწიეს. არ ყოფილა ერთი დღეც, როცა მე ჩემს ხალხთან ერთად არ ვყოფილიყავი, ამიტომ ვიცი, რომ ჯერ კიდევ გაჭირვება და უმუშევრობაა, მაგრამ არ შეიძლება უკეთესად არ ვცხოვრობდეთ. ჩვენმა მტერმა ყოველთვის იცოდა თუ გინდა საქართველო გატეხო უნდა დაარტყა კახეთს, ეს იცოდა შაჰაბაზმა და როგორც ჩანს, ამის შესახებ უთხრეს პუტინსაც, როდესაც ემბარგო შემოიღო. მაგრამ ჩვენ ვერც ერთი და ვერც მეორე ბოლოს ვერ მოგვიღებს“,- განაცხადა სააკაშვილმა.

ქვეყნის პირველი პირის თქმით, ქვეყნაში ბევრად მეტია გასაკეთებელი და ამისათვის, მათ აქვს კონკრეტული პროგრამა.

„მინდა ვუთრა ყველა პოლიტიკურ ძალას, მე მესმის, რომ შემოსულია საქართველოში რუსული ფული, ისიც ვიცი, რომ ყველაფერი იდეალურად არ არის, მაგრამ როცა საქმე ეხება ადამიანის ბედს, ძალადობის აღკვეთას პარტიული კუთვნილება არაფერ შუაშია. არ შეიძლება ადამიანის ბედით და გაჭირვებით თამაში და სპეკულირება. სად გვყავს ჩვენ მაგათი გასასულელებელი ხალხი“,- განაცხადა სააკაშვილმა.

 internet.ge