საქართველოს პრეზიდენტი ხაშურში იმყოფებოდა, სადაც სკოლების რეაბილიტაციის პროექტს გაეცნო. დღესვე მიხეილ სააკაშვილი სურამში ჩავიდა, სადაც პროექტის „ღიმილიანი საქართველო“ მიმდინარეობას გაეცნო და მოსახლეობას შეხვდა.

ქვეყნის პირველი პირის თქმით, „ღიმილიანი საქართველო“ საარჩევნო პროგრამა არ არის. „ეს ჩვენთვის ძალიან კეთილშობილური და მნიშვნელოვანი პროგრამაა“,- განაცხადა პრეზიდენტმა.

მიხეილ სააკაშვილი კასპშიც იმყოფებოდა, სადაც ადგილობრივებს გაესაუბრა და მათ სიტყვით მიმართა.

„ვიცი, რომ კასპში ჯერ კიდევ ბევრგან გზა და გაზი არ არის, მაგრამ ყველა სოფელში მოვალთ. მე როცა პრეზიდენტი გავხდი, მხოლოდ 12 %-ს ჰქონდა გაზი, ახლა 53 %-ს აქვს. ჩვენი ამოცანაა ეს პრობლემა ყველას მოუგვარდეს და ავს ვდებ, რომ ეს ასე იქნება. თავის საწადელს ვერ მიაღწიეს ომით და ახლა არჩევნებით ცდილობენ,“- განაცხადა პრეზიდენტმა.  

internet.ge