პრემიერ-მინისტრი ვანო მერაბიშვილი და „ერთიანი ნაციონალური მოძრაობის“ გლდანის მაჟორიტარობის კანდიდატი ნიკოლოზ ხაჩირაშვილი, წინასაარჩევნო კამპანიის ფარგლებში, გლდანის მოსახლეობას შეხვდნენ.

ამომორჩევლებთან საუბრისას მთავარი თემა სახელმწიფო დაზღვევის ახალი პროგრამა, ხელმისწვოდმი ჯანდაცვა, დასაქმება და გლდანში დაგეგმილი სამომავლო ინფრასტრუქტურული პროექტები იყო.

„არჩევნებამდე სულ რამდენიმე დღეა დარჩენილი და თითოეულმა თქვენგანმა უნდა გააკეთოთ არჩევანი. თქვენ უნდა გადაწყვიტოთ თუ რომელ პოლიტიკურ პარტიას ენდობით და რომელ პარტიას შეუძლია მოაგვაროს ის არსებული პრობლემები, რომლის წინაშეც ვდგავართ. ახლა ყველაზე მნიშვნელოვანია თქვენი აქტიურობა, თქვენი მხარდაჭერა და ყველაზე მნიშვნელოვანია ის, როგორ ქვეყანაში იცხოვრებენ ჩვენი შვილები,“-განაცხადა ხაჩირიშვილმა.

მაჟორიტარობის კანდიდატმა, დასაქმებაზე, დაზღვევაზე, სოფლის მეურნეობის განვითარებაზეც ისაუბრა და აღნიშნა, რომ ყველაფერი მოგვარებადია და ამას თავად ჩაუდგება სათავეში.

internet.ge