ნოვოსიბირსკში ციმბირის სუვერენული კავშირის დამფუძნებელი
კონფერენცია ჩატარდა, რომლის მიზანიც ციმბირის მოსკოვის დიქტატიდან გამოყვანაა.
კერძოდ, კავშირის დამფუძნებლები აცხადებენ, რომ ციმბირის
სახით უნდა შეიქმნას საერთაშორისო სამართლის დამოუკიდებელი და სრულფასოვანი
სუბიექტი და ის მოკოსვის იდეოლოგიური, პოლიტიკური და ეკონომიკური დიქტატისგან უნდა
გათავისუფლდეს. საუბარია დამოუკიდებელი სახელმწიფოს შექმნაზე.
აღნიშნული იდეა ციმბირიდან პირველად არ ისმის. მსგავსი
ინიციატივით სხვა ადგილობრივი ორგანიზაციებიც გამოსულან, რომლებსაც მოსკოვში
ციმბირელ სეპარატისტებს უწოდებენ. მაგალითად, მოძრაობის - „მე ციმბირელი ვარ“
აზრით, ციმბირი აშშ-ს უნდა მიუერთდეს და მისი 51-ე შტატი უნდა გახდეს. ჯერ კიდევ
2010 წელს მოსახლეობის აღწერის პერიოდში, მოძრაობის აქტივისტები მოუწოდებდნენ
ციმბირელებს, ეროვნების აღმნიშვნელ გრაფაში ეროვნებად „ციმბირელი“ მიეთითებინათ.
Internet.ge
