ჩეჩნეთი მიმდინარე კვირას „ჭორების გარეშე ტერიტორიად“ არის გამოცხადებული. ახალგაზრდულ საქმეთა კომიტეტი,გროზნოსა და რესპუბლიკის სხვა რაიონებში, „ხმის ჩაწყვეტის“ აქციას ატარებს. ქუჩებსა და ტრანსპორტზე გაკრულია მოწოდებები - „ნუ ვიჭორავებთ“ - იუწყება გაზეთი „ნოვი ობზორ“.

ჩეჩნეთის პრეზიდენტმა, რამზან კადიროვმა, როგორც ჩანს, ახალი მეთოდი მოიფიქრა „ზედმეტი საუბრების“ თავიდან ასაცილებლად. თუმცა „ნიუსლენდ.რუ“ წერს, რომ აღნიშნულმა ინიციატივამ უკუშედეგი გამოიწვია. კერძოდ, მოსახლეობა მიხვდა, რომ მათ საკუთარი აზრის გამოთქმისგან თავშეკავებას ურჩევენ და მოუწოდებენ პირი მხოლოდ „ჭამისთვის გააღონ“და მაქსიმალური გონიერება გამოიჩინონ, განსაკუთრებით მაშინ, როცა რესპუბლიკის ხელმძღვანელზე მოუნდებათ რამის თქმა. მაგალითად, გროზნოში ტრანსპორტზე პირდაპირ დააწერეს: „მართეთ საჭე დახურული პირით, უფრო შორს წახვალთ“; „ალაჰი ჭორების წინააღმდეგია“ და ა. შ.

ჩეჩნეთში ამბობენ, რომ ეს კამპანია ძალიან ჰგავს სტალინის პერიოდს, როცა ყველა ჩუმად უნდა ყოფილიყო, მაგრამ ყურადღებით ესმინა სხვისთვის, შემდეგ კი მისი ნათქვამი ხელისუფლებისთვის მოეხსენებინა.

internet.ge