“საქართველოს უახლოეს ისტორიაში შეიქმნება პრეცედენტი,  რომ არჩევნების გზით მოხდება ხელისუფლების ჩანაცვლება”,- აღნიშნული განცხადება “ქართული ოცნების“ ლიდერმა სასტუმრო „რედისონში“  საერთაშორისო დამკვირვებლებთან შეხვედრის შემდეგ გააკეთა.

მისი თქმით, დამკვირვებლები საქართველოში არსებული სიტუაციის შესახებ კარგად არიან ინფორმირებულნი.

ივანიშვილმა კიდევ ერთხელ აღნიშნა, რომ თუ საერთაშორისო დამკვირვებლები აღიარებენ არჩევნებს, შედეგებს „ქართული ოცნებაც" აღიარებს.

„ის რაც ადრე ხდებოდა, აღარ მოხდება. დღეს განსხვავებული რეალობაა და ჩვენი პოზიციაც პრინციპულია. მოდით არჩევნებზე და გარწმუნებთ, ყველაფერი კარგად იქნება" - განაცხადა ბიძინა ივანიშვილმა.

საერთაშორისო დამკვირვებლები ამ წუთებში „ახალი მემარჯვენეების“ ლიდერებს ხვდებიან.

Internet.ge