GE / EN
საინფორმაციო პორტალი
პოლიტიკა
სიახლე|პოლიტიკა|საზოგადოება|ხელოვნება|ეკონომიკა|კრიმინალი|სამხედრო|სპორტი|მეცნიერება|ინტერვიუ
„ნაციონალურმა მოძრაობამ“ არჩევნებზე შესაძლო სამართალდარღვევების თავიდან ასაცილებლად ზომები მიიღო
17:16 30.09.2012
დღის სიახლეები

„ერთიანმა ნაციონალურმა მოძრაობამ“ არჩევნების დღეს, შესაძლო სამართალდარღვევების თავიდან ასაცილებლად კონკრეტული ზომები მიიღო. ამის შესახებ განცხადება, მოძრაობის გენერალურმა მდივანმა მიხეილ მაჭავარიანმა გააკეთა.

მისი თქმით, განსაკუთრებით ბოლო დღეებში განსაკუთრებით გახშირებულია „ქართული ოცნების“ მხარდამჭერების მხრიდან ძალადობის ფაქტები და პროვოკაციები.

„არჩევნების დღეს, შესაძლო სამართალდარღვევების თავიდან ასაცილებლად კონკრეტული ზომებია მიღებული:

- საარჩევნო კომისიებში „ერთიანი ნაციონალური მოძრაობის’ მიერ დანიშნულმა წარმომადგენლებმა სპეციალური ტრენინგი გაიარეს ცენტრალური საარჩევნო კომისიისა და საერთაშორისო ექსპერტების მიერ შემუშავებული სახელმძღვანელოების მიხედვით;

- პარტიის გენერალურმა მდივანმა გასცა მითითება არჩევნების პროცესში ჩართული „ნაციონალური მოძრაობის“ ყველა წარმომადგენლისა და მოხალისის მიმართ, რათა თითოეულმა მათგანმა განუხრელად დაიცვას კანონის მოთხოვნები, უზრუნველყოს მშვიდი გარემო საარჩევნო უბნებზე და მის მიმდებარე ტერიტორიაზე; არ აყვეს პროვოკაციას;

- შეიქმნა „ერთიანი ნაციონალური მოძრაობის“ დარღვევებზე რეაგირების ჯგუფი, რომლის ამოცანაა დარღვევების შესახებ გავრცელებული ინფორმაციის გადამოწმება და დადასტურების შემთხვევაში მყისიერი რეაგირება;

- „ერთიანი ნაციონალური მოძრაობის“ ამომრჩეველთა მოწვევის კამპანიაში ჩართული პირებისთვის შემუშავდა ქცევის წესები საარჩევნო უბნის გარეთ დაპირისპირების რისკების შესამცირებლად;

- არჩევნების დღეს „ერთიანი ნაციონალური მოძრაობის“ საქმიანობის გამჭვირვალობის უზრუნველსაყოფად შეიქმნა „ერთიანი ნაციონალური მოძრაობის“ მედიაცენტრი, რომელიც სასტუმრო „ქორთიარდ მერიოტში“ იფუნქციონირებს“,- განაცხადა მაჭავარიანმა.

მისივე თქმით, მნიშვნელოვანია რომ თითოეულ ამომრჩეველს ჰქონდეს შესაძლებლობა მშვიდ და თავისუფალ გარემოში გააკეთოს არჩევანი.

„ერთიანი ნაციონალური მოძრაობის მიზანია, გავიმარჯვოთ თავისუფალ და სამართლიან არჩევნებში. წინასაარჩევნო კამპანია, რომელიც განსაკუთრებულად კონკურენტული და პლურალისტური იყო, უკვე დასასრულს მიუახლოვდა. ხვალ არის არჩევნების დღეს, 1 ოქტომბერს საქართველოს მოქალაქეები მიიღებენ გადაწყვეტილებას, რომელიც განსაზღვრავს ჩვენი ქვეყნის განვითარების ბედს მომავალი 4 წლის განმავლობაში. ამიტომ მნიშვნელოვანია, თითოეულ ამომრჩეველს ჰქონდეს შესაძლებლობა მშვიდ და თავისუფალ გარემოში გააკეთოს არჩევანი.

"ერთიანი ნაციონალური მოძრაობის“ მთავარი მიზანია ჩვენი თანამოქალაქეებისათვის შეიქმნას მეტი სამუშაო ადგილი, ჯანდაცვა იყოს ყველასთვის ხელმისაწვდომი, გაძლიერდეს სოფლის მეურნეობა და მეტი სარგებელი მიიღოს ხალხმა“,- განაცხადა მაჭავარიანმა.

„ერთიანი ნაციონალური მოძრაობა“ ცენტრალური საარჩევნო კომისიის რეკომენდაციის შესაბამისად, მოუწოდებს ყველა თავის მხარდამჭერს, არ მივიდნენ ხმის მისაცემად „ერთიანი ნაციონალური მოძრაობის“ მხარდამჭერი მაისურებით.

„ერთიანი ნაციონალური მოძრაობა“ კიდევ ერთხელ მოუწოდებს ყველა თავის თანამოქალაქეს, მხარდამჭერსა და მოხალისეს მონაწილეობა მიიღონ არჩევნებში, რათა ხმა მისცენ ქვეყნის წინსვლას და არა უკან დაბრუნებას, შეინარჩუნონ სიმშვიდე საარჩევნო უბანზე და მის მიმდებარე ტერიტორიაზე, განუხრელად დაიცვან კანონი, არ აყვნენ პროვოკაციას და კანონდარღვევის გამოვლენის შემთხვევაში გამოიყენონ შესაბამისი სამართლებრივი მექანიზმები.

Internet.ge

 

აღდგომის დღეებში, სასწრაფო სამედიცინო დახმარების ცენტრში 6290 გამოძახება დაფიქსირდა
ცოლის მკვლელობისთვის ბრალდებულს 11 წელი მიესაჯა
სამეგრელოში ხე-ტყის უკანონო ტრანსპორტირების ფაქტი გამოვლინდა
"თურქეთში ჩატარებული რეფერენდუმის შედეგები დიქტატორად არ გადამაქცევს"
სპორტის სასახლეში „ნაციონალური მოძრაობის“ ყრილობა მიმდინარეობს
„Presa.ge საზოგადოებას და gwp-სბოდიშს უხდის“
პარიზში, ლეონარდო და ვინჩის დაკარგული ნახატი აღმოაჩინეს
ქუმსიშვილი: ნულიდან მიღწეულ ხელშეკრულებას შეხედეთ და არა იქიდან, საიდანაც ვიყავით
კრიმინალური ქრონიკა
სამეთაურო-საშტაბო სკოლის კურსდამთავრებულთა დაჯილდოება გაიმართა
დუდუ დადიანის ხსოვნის ტურნირი „არმიამ“ მოიგო
შოკისმომგვრელი დასკვნა - ბავშვის ტვინის ზომა მშობლების სიყვარულზეა დამოკიდებული
დღის თემა
რაში დაადანაშაულეს მეუფე პეტრე სინოდის სხდომაზე
"მე ვფიქრობ რომ ეს სხდომა იყო მიკერძოვებული, რადგან ჩემი აქტიურობის გარდა, იქ ბევრად მნიშვნელოვანი საკითხები იყო განსახილველი“,- განაცხადა მეუფე პერტემ.
გამოკითხვა
რომელ წყაროს იყენებთ ინფორმაციის მისაღებად?
  
პოპულარული სიახლეები
წაიკითხა გაიზიარა კითხულობენ
ჭიაბერაშვილმა სამედიცინო მომსახურების ხარისხის გაუმჯობესების თემაზე კონფერენცია გახსნა1
პრობაციონერებმა დუშეთის პანსიონატში გამწვანების აქცია მოაწყვეს2
ვლადიმერ უგულავა: ყველა თანამშრომლის ინტერესი მაქსიმალურად იქნება გათვალისწინებული3
კომუნიკაციების ეროვნული კომისია ნინო ჯანგირაშვილის ბრალდებას დაუსაბუთებელს უწოდებს4
ბაჩო ახალაია: გადაბარების პროცესი მშვიდად რომ დასრულებულიყო ქვეყანა უნდა დამეტოვებინა5
ახალი ამბებიპოლიტიკასაზოგადოებახელოვნებაეკონომიკაკრიმინალისამხედროსპორტიმეცნიერებაინტერვიურეგიონიფოტორეპორტაჟი
 
თბილისი 0159, ახმეტელის ქ. №10ა. ტელ.: (995 32) 2 200 111, 577 208 612, 577 208 452. ელ-ფოსტა: [email protected]
 
Your Like on Facebook X