ვიცე პრემიერ-მინისტრი გიორგი ბარამიძე, სამუშაო ვიზიტით სლოვაკეთის რესპუბლიკაში იმყოფება, სადაც  სლოვაკეთის ატლანტიკური კომისიის მიწვევით    „გლობალური უსაფრთხოების“ კონფერენციაში მონაწილეობს.

კონფერენციის ფარგლებში გიორგი ბარამიძე  სიტყვით გამოვიდა  სესიაზე, სადაც განიხილებოდა აზია-წყნარი ოკეანის რეგიონში აშშ-ს უსაფრთხოების საკითხები.

მინისტრმა  გამოსვლაში  ევროპაში და მის აღმოსავლეთ სამეზობლოში გადაუჭრელი კონფლიქტების მშვიდობიანი და დიპლომატიური გზით მოგვარების მნიშვნელობაზე ისაუბრა და ყურადღება რუსეთ-საქართველოს კონფლიქტის მშვიდობიანი გზით მოგვარების აუცილებლობაზე გაამახვილა. მინისტრმა ხაზი გაუსვა  ამერიკა-საქართველოს სტრატეგიული თანამშრომლობის განვითარების მნიშვნელოვან ასპექტებს.

ვიზიტის ფარგლებში, გიორგი ბარამიძემ, ორმხრივი შეხვედრა გამართა უნგრეთის საგარეო საქმეთა მინისტრის მოადგილესთან ზსოლტ ნემეტთან და საერთაშორისო და ადგილობრივი მედიის წარმომადგენლებისთვის სპეციალური პრესს-კონფერენცია გამართა.

პრეს-კონფერენცია პირდაპირ ეთერში სლოვაკეთის ადგილობრივი ტელევიზიით გადაიცემოდა.  ვიცე პრემიერ-მინისტრმა ისაუბრა საქართველოს ევროპულ და ევროატლანტიკურ სტრუქტურებში ინტეგრაციის პროცესსა და აღმოსავლეთ ევროპის რეგიონში ამ პროცესის პოზიტიურ ზეგავლენაზე.

internet.ge