მოსკოვს იმედი აქვს, რომ საქართველოში ჩატარებული საპარლამენტო არჩევნების შედეგად მიღებული ცვლილებები, როცა ხმათა უმრავლესობა ოპოზიციურმა ბლოკმა „ქართულმა ოცნებამ“ მოიპოვა, თბილისს საშუალებას მისცემს მეზობლებთან ურთიერთობების ნორმალიზება დაიწყოს.

ამის შესახებ რუსეთის საგარეო საქმეთა სამინისტროს ოფიციალურმა წარმომადგენელმა ალექსანდრე ლუკაშევიჩმა განაცხადა.

„რუსეთში ყურადღებით ადევნებნენ თვალს საქართველოში საპარლამენტო არჩევნების ჩატარებას. არჩევნების შედეგებს განვიხილავთ, როგორც ქართველი ამომრჩევლის შეფასებას ამჟამინდელი ხელისუფლების სოციალურ-ეკონომიკური, ასევე სამხრეთ კავკასიაში მისი პოლიტიკის მიმართ,“ - ნათქვამია ლუკაშევიჩის კომენტარებში, რომელიც სამინისტროს საიტზეა გამოქვეყნებული.

„ცხადია, რომ ქართულმა საზოგადოებამ ხმა მისცა ცვლილებებს. იმედი გვაქვს, საბოლოო შედეგში ეს საქართველოს საშუალებას მისცემს კონსტრუქციული ურთიერთობები ააწყოს მეზობლებთან. რუსეთში მოვლენების ასეთ განვითარებას, რა თქმა უნდა, მიესალმებიან,“ - აცხადებს ლუკაშევიჩი.

Internet.ge