ცესკო-ს თავმჯდომარის ზურაბ ხარატიშვილის განცხადებით, საოლქო საარჩევნო კომისიებს მუშაობის მხრივ გარკვეული შეფერხებები აქვთ, რადგან ზოგიერთი პარტიის აქტივისტები ძალიან ემოციურად და დაჟინებით მოითხოვენ მათგან გადაწყვეტილებების მიღებას.

ხარატიშვილის ინფორმაციით, ყველაზე რთული ვითარება იყო თეთრიწყაროს კომისიაში, სადაც 02:00 საათზე, კომისიას მიღებული გადაწყვეტილება ზეწოლის შედეგად შეაცვლევინეს. ხარატიშვილის თქმით, აღნიშნულ ფაქტზე შესაბამისი სამართლებრივი რეაგირება მოხდება.

„ასევე, თერჯოლის კომისიაზე ფსიქოლოგიური და სიტყვიერი ზეწოლა ხორციელდება. ვფიქრობ, რომ ეს არის ყოვლად დაუშვებელი. სულ 19 საოლქო კომისიააში არის შეფერხებები, ამიტომ მინდა მოვუწოდო ყველას, ვისაც რაიმე პრეტენზია აქვს, შეიძლება რაიმე ხარვეზები იყოს, თუმცა პირობას ვაძლევ ყველას, რომ ჩვენგან ყველაფერს ადეკვატური და სწრაფი რეაგრება მოჰყვება, თუკი ეს სამართლებრივი ჩარჩოსი იქნება მოქცეული“,- განაცხადა ხარატიშვილმა.

ხარატიშვილი მოუწოდებს ყველა პარტიულ აქტივისტებს, ხელი არ შეუშალონ საოლქო კომისიებს თავისი ფუნქციების შესრულებაში, რამაც საბოლოო შედეგების ფორმირება უნდა უზრუნველყოს.

 internet.ge