„ქართული ოცნების“ ლიდერის, ბიძინა ივანიშვილის მტკიცებით, „ეროვნული ფორუმის“ ერთ–ერთმა ლიდერმა, კახა შარტავამ თანამდებობებზე უარი თქვა. 

როგორც დღეს გამართულ პრესკონფერენციაზე ივანიშვილმა განაცხადა, შარტავას არ აქვს სურვილი, ხელისუფლებაში დარჩეს და  პოლიტიკაში იყოს.

„სწორედ ეს გახდა საფუძველი იმისა, რომ კახა შარტავა არც ერთ პოსტზე არ არის წარდგენილი.  შარტავამ, ვიდრე ვინმეს რაიმე თანამდებობას შევთავაზებდი, თქვა, რომ არ სურს თანამდებობა. როდესაც, მთავრობის კანდიდატებს ვირჩევდით, ის ესწრებოდა ამ პროცესს და ღიმილით უყურებდა. 

მე შევახსენე, ხომ არ შეიცვლიდა პოზიციას და რაიმეს სურვილი ხომ არ ჰქონდა, თუმცა მან კიდევ ერთხელ დამიდასტურა, რომ არ აქვს სურვილი, დარჩეს პოლიტიკაში და იყოს ხელისუფლებაში“, – დასძინა ივანიშვილმა. 

internet.ge