„ერთიანი ნაციონალური მოძრაობის“ წევრის პავლე კუბლაშვილის შეფასებით, დღეს პრეზიდენტ მიხეილ სააკაშვილისა და ბიძინა ივანიშვილის შეხვედრა მნიშვნელოვანი იყო.

კუბლაშვილის თქმით, ივანიშილის შეფასება არ გავდა იმ ადამიანის გამოსვლას, რომელმაც სულ მალე ქვეყნის ერთ-ერთი უმაღლესი თანამდებობა უნდა დაიკავოს.

„დღეს, ჩვენ მოვისმინეთ პრეზიდენტის მიმართავა და შეფასება, რომელიც სრულ შესაბამისობაშია სახელმწიფო მოღვაწის შეფასებასთან და მეორეს მხრივ, მოვისმინეთ ივანიშვილის განცხადება, რომელიც უფრო მეტად პოლიტიკური პარტიის ლიდერის შეფასებას გავდა, ვიდრე იმ ადამიანის, რომელმაც უნდა დაიკავოს ქვეყნის ერთ-ერთი უმაღლესი თანამდებობა. ვისურვებდი, ამ მიმართულებით უფრო მეტად წარმოჩინდეს მისი ხედვები სხვადასხვა საკითხთან დაკავშირებით და მისი პოზიცია უფრო მეტად იყოს სახელმწიფოებრიობის განცდასთან დაკავშრებული“,- განაცხადა კუბლაშვილმა.

Internet.ge