შინაგან საქმეთა მინისტრობის კანდიდატის ირაკლი ღარიბაშვილის განცხადებით, მისი მინისტრად დანიშვნის შემდეგ, უწყებაში ყველა პროფესიონალი თანამშრომელი დაფასებული იქნება და ვერანაირი პოლიტიკური ზეწოლა ვერ განხორციელდება.

მისივე თქმით, სამინისტრო უფრო ეფექტური და ხალხზე ორიენტირებული გახდება.

„ჩემი მინისტრად დანიშვნისთანავე ყველა ის პროფესიონალი, რომელიც მუშაობს სამინისტროში იქნება დაფასებული პირადად ჩემს მიერ და მე ვიქნები გარანტი, რომ ვერ განხორციელდება ვერანაირი პოლიტიკური ზეწოლა. სამინისტრო გახდება უფრო ეფექტური, უფრო მოქნილი და ხალხზე ორიენტირებული. ვიქნებით შეურიგებელი კრიმინალების მიმართ. საქართველოში აღარ არის და აღარსდროს დადგება კრიმინალების დრო“,- განაცხადა ღარიბაშვილმა.

Internet.ge