„ქართული ოცნების“ ეკონომიკური პროგრამის ერთ-ერთმა ავტორმა დემურ გიორხელიძემ ITV-ის პრესკლუბში ჟურნალისტებს განუცხადა, რომ ივანიშვილის მიერ ეკონომიკური გუნდში წარმოდგენილი კანდიდატები ძალინ მძიმე სიტუაციაში აღმოჩნდებიან.

„შეიძლება ყველა მათგანი ადამიანური თვალსაზრისით ძალიან კარგი პიროვნებები იყვნენ, თუმცა მათთვის მინისტრობის პორტფელები იგივეა, რომ მე ამკიდო 5 ტომარა, აუცილებლად წავიქცევი. სიმართლე გითხრათ, მე კახი კალაძე, ნოდარ ხადური და გიორგი კვირიკაშვილი საქმეში არ ვიცი და მიჭირს მათი მომავალი საქმიანობა შევაფასო. ფაქტია, რომ ისინი ძალიან რთულ მდგომარეობაში არიან. მათ ფეხის დაცდენას არავინ აპატიებს. აქ მთავარია გუნდურობის პრინცპი, რისი დეფიციტიცაა“,- აღნიშნა გიორხელიძემ.

შეგახსენებთ, რომ ბიძინა ივანიშვილმა 6 ვაკანტურ თანამდებობაზე მინისტრობის კანდიდატურები რამდენიმე წუთის წინ წარმოადგინა.

ფინანსთა მინისტრობის კანდიდატად ნოდარ ხადური დასახელდა. ეკონომიკის მინისტრობის კანდიდატი  გიორგი კვირიკაშვილია. რაც შეეხება ენერგეტიკის მინისტობის კანდიდატს, ამ პოსტზე ბიძინა ივანიშვილმა კახა კალაძე დაასახელა. დევნილთა და განსახლების მინისტრობის კანდიდატად დასახელდა დავით დარახველიძე, განათლებისა და მეცნიერების მინისტრობის კანდიდატად - გიორგი მარგველაშვილი, რეგიონალური განვითარებისა და ინფრასტრუქტურის მინისტრობის კანდიდატად - დავით ნარმანია, გარემოს დაცვის მინისტრობის კანდიდატი გახლავთ ხათუნა გოგოლაძე, ხოლო - შრომის, ჯანმრთელობისა და სოციალური დაცვის მინისტრობის კანდიდატი - დავით სერგეინკო.

internet.ge