ნატო-ს გენერალური მდივნის სპეციალური წარმომადგენელის ჯეიმს აპატურაის განცხადებით, საქართველოს ახალი ხელისუფლება აქცენტს რუსეთთან ურთიერთობების გაუმჯებესებაზე აკეთებს, თუმცა საქართველოს ნატო-ში გაწევრიანების თაობაზე გადაწყვეტილებას მარტო  ნატო-ს წევრები მიიღებენ.

ამის შესახებ განცხადება, აპატურაიმ დღეს საგარეო საქმეთა მინისტრის მოვალეობის შემსრულებელ გრიგოლ ვაშაძესთან ერთად გამართულ პრესკონფერენციაზე გააკეთა.

მისი თქმით, ალიანსი მომხრეა კარგი ურთიერთობებისა, როგორც ნატო-საქართველოს, ისე ნატო-რუსეთს შორის.

„ვიცით, რომ ახალი ხელისუფლება რუსეთთან ურთიერთობების გაუმჯობსებასა და ნატო-სთან ინტეგრაციის თაობაზე აკეთებს აქცენტს.  ამავდროულად, არსებითი არის ის, რომ საქართველოს ნატო-ში გაწევრიანების თაობაზე გადაწყვეტილებას მარტო  ნატო-ს წევრები მიიღებენ“,- განაცხადა აპატურაიმ.

internet.ge