საპარლამენტო უმცირესობის ლიდერის, დავით ბაქრაძის შეფასებით, პროგრამის შესრულებასთან დაკავშირებით, ბიძინა ივანიშვილმა კონკრეტული თარიღი არ დაასახელა.

როგორც ჟურნალისტებს ბაქრაძემ განუცხადა, ამ მოსმენის მთავარი ამოცანა იყო საზოგადოებას მიეღო დეტალური ინფორმაცია, როგორ  შესრულდება ის დაპირებები, რომლისთვისაც ხალხმა „ქართულ ოცნებას“ ხმა მისცა.

„როდის გაიზრდება პენსიები როდის გაიაფდება დენი, რამდენით შემცირდება კომუნალური ტარიფები და როდის გახდება განათლების სისტემა უფასო, ჩემი მოსაზრებაა, რომ ასეთი ინფორმაცია დღეს ჩვენმა მოსახლეობამ  ვერ მიიღო. არ დასახელენბულა არცერთი თარიღი და არცერთი ციფრი.  ის რაც ვიხილეთ, იყო კიდევ ერთხელ კარგი პოლიტიკური განზრახვების დეკლარირება, მაგრამ არ იყო იმ მთავრობის გეგმა, რომელსაც აქვს წარმოდგენილი კონკრეტულად, რა როდის და რა ვადაში უნდა გააკეთოს“, - განაცხადა ბაქრაძემ.  

internet.ge