აკაკი ბობოხიძემ პრემიერ-მინისტრობის კანდიდატ ბიძინა ივანიშვილისგან  ბევრ საკითხზე პასუხები ვერ მიიღო.

როგორც საპარლამენტო უმცირესობის ერთ-ერთმა ლიდერმა, პარლამენტში სიტყვით გამოსვლისას აღნიშნა, ბიძინა ივანიშვილის პასუხები დამაიმედებელი არ იყო.

"თქვენი პასუხები ბევრ რამეზე დამაიმედებელი არ არის. გუშინ ვერ გაგვეცით პასუხი, თუ როდის და რა ვადებში შეძლებდით დაპირებების განხორციელებას. აღარ ჩანდა მზაობა 100-მდე საწარმოს შექმნის თაობაზე“,- განაცხადა მან.

ბობოხიძე ბიძინა ივანიშვილის პოლიტიკიდან წასვლის შესახებ გაკეთებულ განცხადებასაც გამოეხმაურა.

„ამბობთ, რომ წელიწადნახევარში პოლიტიკას დატოვებთ, თუ თქვენ არ აპირებთ, ან ვერ შეძლებთ ამ წელიწადნახევარში თქვენი დაპირებების შესრულებას, როგორც ჩანს, ამის შემდეგ დაპირებების შესრულებაზე პასუხისმგებელი აღარ იქნებით. ვისურვებდი, რომ ვცდებოდე", - დასძინა უმცირესობის წევრმა.

Internet.ge