პარლამენტის ყოფილი თავმჯდომარის დავით ბაქრაძის განცხადებით, საპარლამენტო უმცირესობა მთავრობის დამტკიცებას მხარს არ დაუჭერს.

როგორც ბაქრაძემ სიტყვით გამოსვლისას აღმნიშნა, უმრავლესობამ უნდა გაითვალისწინოს, რომ სამთავრობო პროგრამა პარტიული კონცეფცია არ არის.

„ჩვენ არ დაგიჭერთ მხარს კოლეგებო. ვერ ავიღებთ ასეთ პასუხისმგებლობას, არ მიყვარს პერსონალურად ადამიანების დახასიათება, თუმცა მინდა ენერგეტიკის მინისტრობის კანდიდატ კახა კალაძეს შევეხო, რომელსაც როგორც სპორტსმენს დიდ პატივს ვცემდი. მილანს ვგულშემატკივრობდი იმიტომ, რომ იქ ბატონი კახა თამაშობდა. მაგრამ მინდა ვკითხო მას, ოდესმე მის მრწვთნელს უთქვამს რომ ნიჭიერი ხარ, მოდი კარებში ჩადექი და ბურთის დაჭერას მერე გასწავლითო? იგივე ხდება თქვენი ენერგეტიკის მინიტრად დანიშვნის საქმეში“,- განაცხადა ბაქრაძემ და იმედი გამოთქვა რომ კალაძე დაკისრებულ მოვალეიბას თავს გაართმევს.

Internet.ge